Turmush — Нарын облусунун Ак-Талаа районунун Баетов айыл аймагынын айыл өкмөтү 2024-жылдын жыйынтыгын чыгарып, бул жылда аткарылган иштер, аткарылып жаткан жана алдыда аткарыла турчу иштер боюнча маалымат берди.
Беш калктуу конуш
Баетов айыл аймагы Баетов, Кайыңды-Булак, Терек, Байгөнчөк жана Үгүт айылы биригип, 5 калктуу конуштан турат. Жалпы 2410 түтүндү түзүп, калктын саны 13 миң 35 адам катталган. Мунун ичинен:
- Баетов айылында түтүндүн саны 1712, калктын саны 9414 адам;
- Терек айылында 233 түтүн, 1265 адам;
- Кайыңды-Булак айылында 140 түтүн, 857 адам;
- Үгүт айылында 131 түтүн, 917 адам;
- Байгөнчөк айылында 94 түтүн, 582 адам каттоодо турат.
Бюджет жана салыктын аткарылышы
- Жергиликтүү бюджет 40 млн 248 миң 300 сом пландалган болсо, иш жүзүндө 43 млн 454 миң 200 сомго аткарылган;
- Максаттуу трансферттер планда 14 млн 548 миң 100 сом болсо, аткарылганы 21 млн 391 миң 100 сомду түзгөн;
- Атайын каражаттар планда 6 млн 96 миң 600 сом болсо, аткарылганы 4 млн 930 миң 100 сомду түзгөн;
- Жергиликтүү бюджет план боюнча 67 млн 736 миң сом болсо, ал 69 744 миң 400 сомду түзүп, 103 пайызга аткарылган;
- Жалпы киреше жана салыктын аткарылышы планда 61 млн 639 миң 400 сом болсо, иш жүзүндө 64 млн 345 миң 300 сомго аткарылган.
Курулуштар боюнча
- Үгүт айылындагы Жумакадыр Айтбаев атындагы айылдык клуб 2 млн 974 миң 890 сомго толук оңдоодон өткөрүлдү. Мунун ичинен 2 млн 92 миң сому республикалык, ал эми 882 миң 845 сому жергиликтүү бюджеттен каржыланды;
- «Айдос» бала бакчасы жалпы 2 млн 175 миң сомго толук оңдолду. Мунун ичинен, жергиликтүү бюджеттен 146 миң 467 сом, калганы АРИС тарабынан каржыланды;
- Табрис Оторов атындагы орто мектептин айланасы демөөрчү тарабынан 78 миң 800 сом, жергиликтүү бюджеттен 80 миң сом каржыланып, жалпы 158 миң 800 сомго тосулду. Ошондой эле, жергиликтүү бюджеттин эсебинен 223 миң 770 сомго керектүү жабдыктар алынып берилди.
- Баетов айылынын Эсенгул Карасартов атындагы орто мектептин каалга-терезелери 796 миң сомго бир уюм тарабынан жаңыртылды;
- Кайыңды-Булак айылындагы «Чолпон» бала бакчасына 5 млн 500 миң 227 сомго бир уюм тарабынан кошумча корпус курулду;
- Баетов айылынын «Ай-Зуура» бала бакчасы Дүйнөлүк банктын каржылоосу менен 2 млн 999 миң 764 сомго оңдоодон өткөрүлдү;
- Баетов айылынын «Тынчтык» бала бакчасынын кошумча корпусу 2 млн 811 миң сомго оңдоодон өткөрүлдү;
- Баетов айылындагы таштанды төгүүчү полигондун айланасы жергиликтүү бюджеттен 190 миң 600 сомго тосулду;
- Баетов айылындагы «Жаш-Тилек» бала бакчасынын жылытуу тутуму жергиликтүү бюджеттин эсебинен 142 миң 500 сомго оңдолду;
- Баетов айылынын Шүкүрбек Бейшеналиев атындагы орто мектебинин спорт залынын терезелери алмаштырылды, жеке демөөрчү тарабынан 2 млн 500 миң сомго мурунку откананын имараты оңдолуп, кенже курактагы окуучулар үчүн спорт зал ачылды.
Техникалар жана жабдуулар
- Терек айылына 2 млн 175 миң 1 даана прессподборщик, 1 даана сеялка жана 1 даана жер семирткич себүүчү (РУМ) айыл чарба техникалары алынды. Бул каражаттын ичинен 92 миң сому жергиликтүү бюджеттен, ал эми калганы бир уюм тарабынан каржыланды;
- «Баетов таза аймак» муниципиалдык ишканасына республикалык бюджеттин эсебинен 9 млн 800 миң сомго 1 даана эксватор жана жүгөрү чабуучу техника алынды;
- Жүн жана мал терилерин кайра иштетүүгө жергиликтүү бюджеттин эсебинен 2 млн 126 миң сомго жабдуулар алынды;
- «Баетов таза аймак» муниципиалдык ишканасына жергиликтүү бюджеттин эсебинен 1 млн 485 миң сомго жүгөрү себүүчү шайман алынды;
- Терек айылындагы жол жээгинде жаңы уюштурулган сейил бактын айланасын тосууга 191 миң сомго материалдар алынып, айланасы тосулду;
- «Ай-Зуура» бала бакчасына 527 миң сомго, «Тынчтык» бала бакчасына 429 миң сомго эмеректер алынды;
- Баетов айылынын кире беришине, Дөрбөлжүн аянтына жана айыл өкмөттүн алдына 200 миң сомго видео камералар орнотулду;
- Дөрбөлжүн аянтындагы гүлбакчалардын айланасын тосууга 441 миң сомго керектүү материалдар алынды;
- Үгүт айылынын таза суу кудугуна 245 миң сомго керектүү материалдар алынып берилди;
- Аталган 5 айылдын көчөлөрүнө жана арыктарга 286 миң сомго астест суу өтүүчү суу түтүктөрү алынды,
- Аталган 5 айылдын көчөлөрүн жарыктандыруу үчүн 220 миң сомго көчө чырактары алынды.
Курулуп жаткан обьектилер
- Баетов жана Кайыңды-Булак айылына бир уюмдун каржылоосу менен 555 млн сомго таза суу тартуу иштери жүргүзүлүүдө;
- Кайыңды-Булак айылына жергиликтүү бюджеттен 3 млн 91 миң 838 сомго футбол аянтчасы курулууда;
- Баетов жана Кайыңды-Булак айылынын ортосуна райондук өнүктүрүү фондунун каржылоосу менен 16 млн сомго мал базар салынууда. Курулуштун 80 пайызы бүткөрүлгөн.
Маданият маалыматтары
- Баетов айыл аймагы боюнча жалпы 5 айылдык клуб жана 5 китепкана иш алып барууда. 28 миңден ашуун китеп фонду бар. Жергиликтүү бюджеттин эсебинен 23-февраль Ата-Мекенди коргоо күнүнө карата 300 адамга белек берилип, концерт тартууланды, 3-март мамлекеттик Туу күнүнө жана 5-март Ак калпак күнүнө карата майрамдык иш-чара белгиленсе, 1-октябрь Карылар күнүнө карата 70 жаштан өткөн 350 улгайган адамдарга сый тамак берилди. Мындан тышкары, Афган жана Баткен согушунун ардагерлери менен жолугушуу кечелери уюштурулду;
- Баетов айылынын Дербишкан Ажиев атындагы айылдык клубга 130 даана театралдык орундуктар алынды;
- Үгүт айылындагы Жумакадыр Айтбаев атындагы айылдык клубга жергиликтүү бюджеттин эсебинен 297 миң 500 сомго орундуктар алынды;
Социалдык тармак боюнча
- Жергиликтүү бюджеттин эсебинен 10 адамдын операциясына жана дарылануусуна 96 миң сом берилди;
- Кургак учук илдетинен чалдыккан 12 адамдын дарыланып келүүсүнө 49 миң сом;
- Ден соолугунан мүмкүнчүлүгү чектелген 3 баланын Чолпон-Атага барып дарыланып келүүсүнө жол кире катары 9 миң 600 сом;
- Аз камсыз болгон 5 үй-бүлөнүн балдарына Ысык-Көлгө жайкы лагерге баруусуна 7 миң 900 сом;
- Ден соолугунун мүмкүнчүлүгү чектелген 1 адамдын параспортко катышып келүүсүнө 3 миң 400 сом;
- Үйүнөн тейленүүчү каза болгон 5 маркумдун сөөгүн коюууга 31 миң сом;
- Бир адамдын үйүнө жардам кылууга 25 миң 750 сом берилген.
- Аз камсыз болгон 140 үй-бүлөгө жергиликтүү бюджеттин эсебинен 428 миң сомго 140 тонна көмүр алынып, түшүрүлүп берилди;
Мындан тышкары, 3-декабрь майыптарды коргоо күнүнө карата бир катар 100 балага 100 миң сомдун белектери, 9-май Жеңиш күнүнө карата Ата-Мекендик согуштун 2 катышуучусунун 2 жесирине 6 миң сом, мекенди коргоо күнүнө карата 70 миң сом, афганчылардын күнүнө карата 27 миң сом, аялдардын эл аралык күнүнө карата 110 миң сом, 1-июнь балдарды коргоо күнүнө карата 22 миң 500 сом, 1-октябрь Карылар күнүнө карата 180 миң сом, 26-октябрь баткенчилер күнүнө карата 81 миң сом акча бөлүнүп берилген.
Айыл чарба тармагы боюнча
Баетов айыл аймагы боюнча 2024-жылы 5624 баш уй, 246 баш топоз, 39201 баш кой, 4382 баш эчки, 3676 баш жылкы, 10364 үй канаттуулар жана 145 даана бал челектер катталган. Ошондой эле, 3472 гектар аянт болсо, мунун ичинен жергиликтүү дыйкан-фермерлер тарабынан 1491 гектарга дан өсүмдүктөрү айдалса, 2132 гектар аянттан тоют өсүмдүктөрү жыйналып алынды. Дан эгиндерин айдоо жана оруп-жыйноого 42 техника, ал эми тоют өсүмдүктөрүн жыйноого 29 техника тартылган.
Жарандык коргонуу
Байгөнчөк айылын сел жана кыян сууларынан коргоо максатында Таластан чөлкөмүнө 750 метр узундуктагы траншеа казылды.
Турак-жай боюнча
Баетов айыл аймагынын жарандарына турак-жай салуу үчүн 356,90 гектар жер аянты жайыт жер категориясынан конуш жер аянты категориясына которулуп, жалпы 415,4 гектар жер трансформациялоо үчүн Нарын облусунун ыйгарым укуктуу өкүлчүлүгүнө сунушталган.
Мындан тышкары, 5 айылдагы мектеп, бала бакчаларга демөөрчүлөр тарабынан жана жергиликтүү бюджеттин эсебинен керектүү жабдыктар, чарбалык шаймандар алынып, видео камералар коюлуп берилип, жылуулук тутумдарын оңдоо, имараттарды утурумдук оңдоодон өткөрүү иштери убагында колго алынып, иш жүзүндө аткарылган.
2025-2026-жылдарга карата иш пландар
- 359 миң сомго Үгүт айылындагы каналды тазалоо;
- 6 млн 705 миң сомго Үгүт айылына фельдшердик-акушердик пункт куруу;
- Байгөнчөк айылындагы Табрис Оторов атындагы орто мектебинин актовый залын 4 млн 174 миң сомдук ондоодон өткөрүү;
- Байгөнчөк айылына 10 млн сомго спорт зал салуу;
- Терек айылындагы муниципалдык мончону 3 млн 394 миң сомго оңдоо жана жылуулук тутумун киргизүү;
- Терек айылына 102 млн 950 миң сомго жаңы мектептин курулушу апрель айында башталат;
- Баетов айылына 4 млн 420 миң сомго футбол аянтынын курулушу май айында башталат;
- «Баетов таза аймак» муниципиалдык ишканасына 800 миң сомго июнь айында таштанды ташуучу унаа алынат;
- Баетов спорт клубунун сыртын 2 млн 589 миң сомго жылуулоо июнь айында башталат;
- Баетов айылындагы дамбаны 1 млн 860 миң сомго тазалоо;
- «Тынчтык» бала бакчасынын ашканасын 3 млн 119 миң сомго оңдоодон өткөрүү,
- 4 млн 950 миң сомго «Хово» үлгүсүндөгү жүк ташуучу унаа алуу;
- Эсенгул Карасартов атындагы орто мектебине 2 млн сомго спорт аянтчасын жана көчө воркауттарын куруу;
- Кризистик борбордун имаратын 5 млн сомго оңдоо;
- Автобазанын айланасын 15 млн сомго тосуу;
- Баетов айылына 20 млн сомго 240 орундуу бала бакча куруу;
- Эсенгул Карасартов атындагы орто мектебинин айланасын 1 млн 515 миң сомго тосуу. Курулушу апрель айында башталат;
- Шүкүрбек Бейшеналиев атындагы орто мектебинин жылуулук тутумун 5 млн сомго жаңыртуу. Жаңыртуу иштери июнь айында башталат;
- Демөөрчүлөр тарабынан 15 млн сомго социалдык шаарча курулат. Апрель айында курулушу башталат;
- Баетов айылына республикалык бюджеттин эсебинен 20 млн сомго ипотекалык үй салуу;
- «Жашыл мурас» долбоорун алкагында жергиликтүү бюджеттин эсебинен 5 млн сомго көчөттөрдү отургузуу;
- 2 млн сомго Баетов айылындагы «Афган-Баткен» сейил багынын ичин оңдоо;
- 10 млн сомго муниципиалдык гараж салуу;
- 1 млн 500 миң сомго флагшток орнотуу;
- 1 млн 500 миң сомго Баетов, Терек, Кайыңды-Булак, Байгөнчөк жана Үгүт айылынын ортосуна автобус жүргүзүү иштери планга коюлган.