Turmush — Манас шаарында кытай ишканалары тарабынан уюштурулган бош жумуш орундар жармаңкеси өттү. Иш-чарага дубанда иш алып барган чет өлкөлүк ишканалардын өкүлдөрү, жумуш берүүчүлөр жана иш издеген жарандар, студенттер катышты.
Шаардагы институттун директору Мавлюда Шакирова 10дон ашык ишканадан 100дөн ашык ваканция сунушталганын айтат.
«Иш берүүчүлөр кызмат көрсөтүү, мейманкана, кафе-ресторандар жана өндүрүштүк мекемелерден келгендер. Алардын айрымдарында кытай тилин билүүгө артыкчылык берилсе, көбүн эсе тил билүү шарт эместей. Котормочулар үчүн 1000 доллардын тегерегиндеги акы сунушталды. Калган жумушчуларга 49 миң сомдон башталган эмгек акы сунушталып жатат», - деди ал.
Кыргызстандын түштүгүндөгү кытай ишкерлеринин соода палатасынын бирикмесинин жетекчиси Сю Мао Хуа облус аймагында иш алып барган 20дай чет өлкөлүк компанияга катардагы кызматкерлерден тарта башкаруучуларга чейин бош орундар бар экенин айтты.
Манас шаарындагы Конфуций институтунда бүгүнкү күндө 700дөн ашык студент кытай тилин үйрөнүп жатат.