Turmush — Ысык-Көл облусунун Каракол шаарында кооптуу делген кесилишке ылдамдыкты азайтуучу дөңсөө орнотулуп жатат.
Буга чейин шаар тургундары Жамансариев жана Ахунбаев көчөлөрүнүн кесилишинде байма-бай жол кырсыгы болуп жатканын айтып, унаанын ылдамдыгын азайткан жол белгиси керектигин айтып келишкен.
Мындан улам Жол чарба ишканасы тарабынан ылдамдыкты азайтуучу дөңсөө орнотулууда.
Turmush аталган кесилиштеги акыркы кырсык 12- апрель күнү болгонун жазган.
Күбөлөрдүн айтымында, 3 унаа кагышкан.
Ал эми Ысык-Көл облустук жол кыймылынын коопсуздугун камсыздоо бөлүмүнүн маалыматына караганда, кырсык болжол менен саат 16:50 чамаларында болгон. «Volkswagen Passat», «Mercedes-Benz Sprinter» жана «Toyota Camry» унаалары кырсыкка кабылган.
Учурда унаалар айып короого токтотулуп, териштирүү иштери жүрүүдө.