Turmush — Баткенде 284 даана трансформатордук көмөк чордон жана 390,66 км 6-10/0,4кВ аба чубалгылары капиталдык оңдоодон өткөрүлөт.
Баткен электр тармактар ишканасынан билдиришкендей, Энергетика министрлиги тарабынан 2026–2027-жылдардагы күз-кыш мезгилине сапаттуу даярдык көрүү, калкты үзгүлтүксүз электр энергиясы менен камсыз кылуу жана энергетикалык инфраструктураны жаңылоо максатында Баткен электр тармактар ишканасы тарабынан быйыл 284 даана трансформатордук көмөк чордон жана 390,66 км 6-10/0,4 кВ аба чубалгылары капиталдык оңдоодон өткөрүлөт.
Аталган оңдоп-түзөө иштери энергетика тармагынын туруктуулугун камсыздоо максатында электр энергиясына болгон тарифтен түшкөн каражаттын алкагында ишке ашырылууда.
Трансформатордук көмөк чордон жана аба чубалгыларына болгон капиталдык оңдоо иштери ар бир район боюнча төмөнкүчө жүргүзүлөт:
- Баткен РЭТ — 59 трансформатордук көмөк чордон, 45,52 км аба чубалгысы;
- Кадамжай РЭТ — 79 трансформатордук көмөк чордон, 75,63 км аба чубалгысы;
- Кызыл-Кыя РЭТ — 73 трансформатордук көмөк чордон, 100,23 км аба чубалгысы;
- Лейлек РЭТ — 40 трансформатордук көмөк чордон, 117,41 км аба чубалгысы;
- Сүлүктү РЭТ — 33 трансформатордук көмөк чордон, 51,87 км аба чубалгысы.
Ошондой эле, техникалык тейлөө иштери Баткен облусу боюнча жалпы 3847,3 км 6-10/0,4 кВ аба чубалгысына жүргүзүлүп, 1632 даана трансформатордук көмөк чордон техникалык тейлөөдөн өткөрүлөт. Оңдоп-түзөө иштери март айынан башталып, ноябрь айына чейин бекитилген жылдык графиктин негизинде жүргүзүлуп, коопсуздук техникасынын талаптары толук сакталууда.
Бул масштабдуу иштер жүргүзүлгөндөн кийин Баткен облусунун тургундарын күз-кыш мезгилинде туруктуу, сапаттуу жана үзгүлтүксүз электр энергиясы менен камсыз кылууга, авариялык өчүрүүлөрдүн санын азайышына жана энергетикалык инфраструктуранын ишенимдүүлүгүн жогорулатууга жана жоготуулардын азайышына шарт түзөт.
Эгерде сизде электр энергиясына байланыштуу суроолор болсо, күнү-түнү иштөөчү колл-борборго кайрылыңыздар:
Колл-борбору : 105;
0221 33-36-02- Баткен РЭТ
0772 46-04-01- Сүлүктү РЭТ
0221 55-54-78 -Лейлек РЭТ
0221 55-54-68 -Кадамжай РЭТ
0773 94-07-07- Кызыл-Кыя РЭТ