Turmush — 17-18-март күндөрү туруксуз аба ырайына байланыштуу Кыргызстандын тоолуу райондорунда кар көчкү түшүшү мүмкүн. Бул тууралуу ӨКМден кабарлашты.
Маалыматка караганда, төмөнкү тилкелерде кар көчкү түшүүсү ыктымал. Жолдор тайгак болуп, муз тоңот.
Бишкек-Ош унаа жолунун 198-255-чакырымдарында (Чычкан капчыгайы, Ала-Бел ашуусу),
- Мырза-Аке—Кара-Кулжа—Алайкуу унаа жолунун 55-115-чакырымдарында.
- Бишкек—Нарын—Торугарт унаа жолунун 292-305-чакырымдарында (Долон ашуусу).
- Балыкчы—Казарман—Жалал-Абад унаа жолунун 201-205, 260-290-жана 326-349-чакырымдарында (Көк-Арт ашуусу).
- Каракол—Эңилчек унаа жолунун 45-90-чакырымдарында (Чоң-Ашуу ашуусу).