Turmush — Кечээ, 15-март күнү Аталар күнүнө карата Айтматов районунда Баткен облусундагы кыргыз‑тажик чек арасындагы жаңжал учурунда курман болгон чек арачы Дастан Анарбековдун жаркын элесине арналган эскерүү иш-чарасы өттү.
Маалым болгондой, Таластагы №2029 «Сатыкей» чек ара заставасында уюштурулган иш-чарага аксакалдар кеңешинин жана аялдар кеңешинин өкүлдөрү, жаш жоокерлер катышты. Эскерүү иш-чарасында Куран окутулуп, маркумду эскерүү менен башталып, маданият кызматкерлеринин концерттик программасы менен коштолду.
Маркум Дастан Анарбеков 21 жашында Баткендеги куралдуу кагылышууда каза болгон. Ал «Достук» чек ара тозотунун башчысынын орун басары болуп иштеп жаткан. Ал 2022-жылы Баткендеги Достук айылын коргоодо мектептин аймагында каза болгон. Анын сөөгү 29-декабрда Бишкектеги «Ата-Бейит» мемориалдык комплексинде акыркы сапарга узатылган. Аны менен коштошуу зыйнатына президент Садыр Жапаров катышкан.
Дастан Анарбековдун сөөгү чек ара чырында көз жумган танкисттер Шерали Анаркулов, Санжарбек Анаркулов жана Жаныбай уулу Тилектин күмбөзүнүн жанына жерге берилди.