Turmush — 32 жаштагы Нургазы Досуев «Кыргыз темир жолу» Улуттук компаниясы» мамлекеттик ишканасынын Түштүк бөлүмүнүн жетекчиси болуп дайындалды.
Маалым болгондой, тиешелүү буйрукка «Кыргыз темир жолу» Улуттук компаниясы» мамлекеттик ишканасынын башкы директору Азамат Сакиев кол койду.
Досуев Нургазы Мухтаржанович 1994-жылдын 30-мартында Жалал-Абад шаарында (азыркы Манас шаары) туулган.
Жогорку билимдүү.
- №75 кесиптик лицейин газоэлектр ширетүүчү адистиги боюнча аяктаган;
- 2011-2015-жылдары Казак темир жол байланыш университетинде темир жол транспортунда автоматташтыруу жана башкаруу адистиги боюнча билим алган4
- 2020-2022-жылдары Кыргыз мамлекеттик курулуш, транспорт жана архитектура университетинде темир жол транспортунда ташууларды уюштуруу адистиги боюнча окуган.
Эмгек жолу:
- 2015-жылдан тарта Бишкек-1 станциясында 4-разряддагы электромонтер, 5-разряддагы электромонтер, техникалык документация боюнча улук электромеханик, диспетчердик борборлоштуруу постунун электромеханиги жана улук электромеханиги болуп иштеген;
- 2024-жылдан тартып «Кыргыз темир жолу» Улуттук компаниясы» мамлекеттик ишканасынын Түштүк бөлүмү филиалында коопсуздук боюнча жетекчинин орун басары кызматын аркалап келген.
-------------------------------------------------------
«Кыргыз темир жолу» Улуттук компаниясы» мамлекеттик ишканасынын Түштүк бөлүмүн буга чейин Орозбек Турдубеков жетектеп жаткан. 2026-жылдын 10-мартында ал кызматтан бошотуу тууралуу арыз жазганы маалым болгон.
Орозбек Турдубеков бул кызматка 2025-жылдын август айынын аягында дайындалган болчу. Ал буга чейин Жалал-Абад шаардык кеңешинин төрагасы болуп жүргөн.