Turmush — Талас районундагы Талды-Булак айылынан байыркы петроглифтер табылды. Бул тууралуу эколог Гамал Соронкулов билдирди.
Анын айтымында, таш беттерине чегилген сүрөттөрдүн арасында тоо текелер, жаа менен аңчылык кылган көрүнүштөр, тайгандар менен аң уулоо эпизоддору, байыркы бука — турлар, ошондой эле альфа эркек бугунун элестери кездешет. Мындан тышкары, кызгалдак формасындагы хандык тамга жана жергиликтүү урууларга тиешелүү тамгалар да түшүрүлгөн.
Мындай петроглифтер байыркы көчмөндөрдүн жашоо-турмушун, аңчылык маданиятын жана символдор системасын чагылдырган баалуу тарыхый мурас болуп эсептелет. Талды-Булак аймагындагы бул табылгалар Талас өрөөнүнүн тарыхый жана маданий байлыгын дагы бир жолу далилдеп турат.
Бул аймакта петроглифтерди мындан ары дагы изилдөө жана сактоо иштери улантыларын белгиленди.