Turmush — Ысык-Көл облусунун Каракол шаарындагы кырсыктын кесепетинен унаалар талкаланды.
Күбөлөрдүн айтымында, кырсык кечээ, 9-мартта Жамансариев жана Ахунбаев көчөлөрүнүн кесилишинде болгон. Аталган кесилиште бат-баттан кырсыктар катталууда. Көпчүлүк айдоочулар эки жолдун кайсынысы башкы жол экенин айырмалай албай калган учурлар болууда.
Жергиликтүү тургундар аталган кесилишике жол чырак орнотуу керек экенин айтат.
Ал эми Ысык-Көл облустук жол кыймылынын коопсуздугун камсыздоо бөлүмү Turmush басылмасына билдиргендей, «Hyundai Sonata» үлгүсүндөгү автоунааны Каракол шаарынын 1972-жылы туулган тургуну башкарып бара жаткан. Ал Жамансариев көчөсү менен түштүктөн түндүккө карай бара жаткан учурда Каракол шаарынын 1992-жылы туулган тургунунун башкаруусундагы «Toyota Corolla» үлгүсүндөгү автоунаа Ахунбаев көчөсү менен батыштан чыгышты көздөй бара жатып, эки унаа жол кырсыгына кабылган.
Аталган жол кырсыгы Каракол ШИИБге катталып ,тергөөгө чейин териштирүү иштери башталды. Жабыркагандар жок.