Turmush — Чынгыз Бапаев Кара-Суу районунун акими кызматына киришти. Бул тууралуу президенттин Ош облусундагы өкүлчүлүгүнүн басма сөз кызматынан билдирди.
Президент Садыр Жапаров кол койгон тескемеге ылайык, Бапаев Чынгыз Арстанбекович Ош облусунун Кара-Суу районунун мамлекеттик администрациясынын башчысы — аким болуп дайындалган.
Жаңы акимди бүгүн, 9-мартта Кара-Суу районунун активине президенттин Ош облусундагы өкүлү Аманкан Кенжебаев тааныштырды.
Чынгыз Бапаев 2024-жылдын январь айынан бери Алай районунун мамлекеттик администрациясынын башчысы — аким болуп иштеп келген.
2023-жылдын 13-майынан бери Каракол шаарынын мэри кызматын аркалаган.
------------------------------------------------------
Административдик-аймактык реформанын алкагында Кара-Суу районунда 10 айыл аймак, 1 райондук шаар болду.
Кара-Суу району Ош облусундагы калк эң жыш жайгашкан район болуп саналат. Ал Кыргызстандагы калкы көп райондордун ичинен лидер. 2025-жылга карата райондо 398 515 адам жашайт.
Ал эми экинчи орунда Жалал-Абад облусунун Сузак району, үчүнчү орунда Ош облусунун Ноокат району турат.