Turmush — Ош шаарындагы Курманжан Датка көчөсүндө жайгашкан турак үйдө чыккан өрт 15:37де чектөөгө алынды. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка караганда, өрт тууралуу билдирүү саат 15:16да түшкөн. Окуя болгон жерге Ош шаардык №12 өзгөчө кырдаалдар бөлүмүнөн 1 бөлүм жөнөтүлүп, кошумча саат 15:20да дагы 2 бөлүм тартылган. Жалпы үч бөлүм өрттү өчүрүүгө катышкан.
Жабыркагандар катталган жок. Өрттүн келип чыгуу себеби жана келтирилген материалдык чыгымдын көлөмү такталууда.
Кийинчерээк ӨКМдин Ош шаардык башкармалыгы билдиргендей, калаанын Курманжан Датка көчөсүнүндө жайгашкан турак үйдөн чыккан өрт саат 15:37де чектөөгө алынып, саат 16:40да толугу менен өчүрүлгөн. Өрттүн аянты болжол менен 162 чарчы метрди түзгөн. Жабыркагандар жок.