Turmush — Бүгүн, 10- июнда Москва районунун Беловодск айылында унаа кырсык катталып, 2 адам ооруканага кайрылды. Бул тууралуу күбөлөр билдирди.
Алардын айтымында, айылдын Ленин көчөсүндөгү жол чыракты унаа сүзүп кетти.
«Ленин көчөсү менен Бишкек—Кара- Балта унаа жолунун кесилишинде жол чырак орнотулган. Аны бүгүн саат 7:00 чамасында унаа сүзүп кетти. Унаадагы адамдар ооруканага кайрылганын уктук. Окуяны жол тескөөчүлөр көзөмөлгө алышкан», - деди күбөлөр.
Ал эми райондук жалпы дарыгердик практика борбору жол кырсыгынан жеңил жаракат алгандарга медициналык алгачкы жардам көрсөтүлгөнүн кабарлады.
«Оор жаракат алгандар жок. Ооруканага кайрылгандар Жалал-Абад облусунун тургундары — 1977-жылы туулган Н.А. аттуу аял менен 2008-жылы туулган К.Д.аттуу жигит болгон. Алар ооруканага жаткырылган жок», - деди дарыгерлер.