Turmush — Ош технологиялык университетинин делегациясы Кытай Эл Республикасына барды. Бул тууралуу аталган окуу жайдан билдиришти.
«Бир алкак, бир жол» долбоорунун алкагында Кытай Эл Республикасынын Бинтуан Синсин кесиптик-техникалык колледжи менен М.М.Адышев атындагы Ош технологиялык университетинин ортосундагы түзүлгөн келишимдин негизинде ОшТУнун ректору Жанболот Турсунбаев жетектеген делегация иш сапары менен Бинтуан Синсин кесиптик-техникалык колледжине барып келишти. Иш сапардын алкагында Ош технологиялык университетинде Кытай тили жана көндүмдөр борборун ачуу боюнча талкуу болуп, онлайн-офлайн багытында IT, энергетика, логистика адистери боюнча билим алышат жана эл аралык сертификатка ээ болушат.
Ошондой эле, Бинтуан Синсин кесиптик-техникалык колледжинен ОшТУнун энергетика жана транспорт институтуна 2 500 000 сомдук электр жабдуулары алынып келинди.
Мындан тышкары Ош технологиялык университетинин инновациялык жана маалыматтар технологиялары институтунун директору Меңди Арзыбаева, эл аралык байланыштар бөлүмдүн жетекчиси Шарапат Нармирзаева, энергетика жана транспорт институтунун окутуучусу т.и.к., доцент Замира Андаева Кытай Эл Республикасында өткөн Шанхай кызматташтык уюмунун университеттеринин 7-энергетикалык конференциясына катышып келди. Конференциянын жүрүшүндө Замира Андаева энергетика боюнча баяндама жасап, презентация көрсөттү.
Бул конференцияга 11 университет катышып, Шанхай кызматташтык уюмунун (ШКУ) университетинин стратегиялык изилдөөлөр борбору «Кош көмүртектүү кызматташтыктын алкактык» стратегиясы боюнча кол коюлду.