Turmush — Ош шаарындагы «Жылуулук камсыздоо» ишканасы мамлекеттик тилге кошкон салымы үчүн «Мыкты ишкана» деп табылды. Бул тууралуу аталган ишканадан билдиришти.
Мекеме Кара-Кыргыз автономиялуу облусунун түзүлгөндүгүнүн 100 жылдыгына, «Кыргыз Республикасынын мамлекеттик тили жөнүндө» мыйзамынын кабыл алынгандыгынын 35 жылдыгына жана 12-декабрь — Улуттук адабият күнүнө карата мамлекеттик тилге кошкон салымы үчүн сыйланды.
Ош шаардык мэриясынын социалдык өнүгүү бөлүмүнүн мамлекеттик тил боюнча жетектөөчү адиси, комиссиянын катчысы Гүлүмкан Урустамова «Мыкты ишкана» кантип тандалганын айтып берди.
«Мамлекеттик тилди даңазалоо идеологиясын жайылтуу, иш жүргүзүүдө жана иш кагаздарын мамлекеттик тилде сабаттуу жүгүртүү критерийлери боюнча «Жылуулук камсыздоо» «Мыкты ишкана» деп табылды. Ошондой эле ишканада Манастын жана анын кырк чоросунун сүрөттөрү улуттук калоритте жасалып илинген. Жылуулук тармагына тиешелүү терминдер кыргыз тилине которулган», - деди ал.