Turmush — Ош технологиялык университети 10-11-октябрь күндөрү «Сапаттуу билим» аккредитациялык
агенттиги тарабынан институтционалдык жана программалык аккредитациядан, ошондой эле 11 багыт боюнча атайын текшерүүдөн өттү.
Окуу жайдын маалыматына караганда, аккредитациянын алкагында негизинен 11 багыт боюнча текшерүү иштери жүрүп, 3 багыты жогорку билим жана 9 багытында орто билимдер каралды.
«Негизги күтүлүүчү маселе аккредитициялык кеңешмеден кийинки берилүүчү убактысын күтүү. Сырткы эксперттик комиссия иш берүүчүлөр, студенттер, бүтүрүүчүлөр, ата-энелер, окутуучулук-профессордук курам жана структуралык бөлүмдүн жетекчилери менен жолугушууларды өткөрүп, университеттин билим берүүдөгү жетишкендиктери боюнча маалыматтарды алышты.
Эске салак, мындан 3 жыл мурун университет институтционалдык аккредитациядан ийгилүктүү өткөн», - деп айтылат маалыматта.
