Turmush — Ош технологиялык университетинин академик Б.Мурзубраимов атындагы Өзгөн технологиялык жана билим берүү институтунда Бавариядагы Вайенштефан-Триздорф колдонмо илимдер университетинин окумуштуулары менен жолугушуу болуп өттү.
Жолугушууда айыл чарба тармагы боюнча бир нече илимий баяндамалар жасалды. Мында айыл чарба илимдеринин доктору, профессор Эльтар Смаилов өз тажырыйбасы менен бөлүшүп, «Кыргызстандын түштүгүндө айыл чарбасын өнүктүрүүнүн перспективалары жана илимий изилдөөлөрдүн багыттары” деген темада презентация жасады.
Бул жолугушуунун алкагында талаа изилдөөлөрүн жүргүзүү, алча плантацияларынан кыртыштын үлгүлөрүн тандоо, тамеки талаасынан кыртыштын үлгүлөрүн тандоо, күрүч плантацияларынан кыртыштын үлгүлөрүн тандоо аркылуу биргелешкен бир нече илимий изилдөөлөр жүргүзүлдү.
Вайенштефан-Триздорф колдонмо илимдер университети германиялык окуу жайы дуалдык билим берүү системасында айыл чарба тармагында кадрларды даярдоого адистешкен жана Германиядагы айыл чарба тармагындагы алдыңкы окуу жайлардын бири болуп саналат.