Turmush — Азербайжандын Баку шаарында XI эл аралык «Түрк дүйнөсү изилдөөлөрү» аттуу түрк тилдүү элдердин симпозиуму өтүп жатат.
Иш-чара Нийде Өмер Халисдемир университети (Тңркия), Казак улуттук кыздар университети (Казакстан) жана Баку Евразия университети (Азербайжан) тарабынан өткөрүлүүдө.
Аталган симпозиумга Кыргыз-Өзбек эл аралык университетинин тарых-филология факультетинин деканы, доцент Каденова Жаннат Токтомаматовна жана кыргыз филологиясы кафедрасынын башчысы, доцент Исмаилова Бактыгүл Таштемировна илимий баяндамалары менен катышып, түрк тилдүү өлкөлөрдүн жогорку окуу жайларынын окумуштуулары менен илимий-теориялык жактан пикирлешип, илимий изилдөө ишмердүүлүктөрдү биргеликте жүргүзүүнү мерчемдешүүдө.
Эл аралык симпозиумдун иши 14-июнга чейин уланат.