Turmush — Токмок шаарында 4 окуучуга акчалай сыйлык берилди. Бул тууралуу мэриянын басма сөз кызматы билдирди.
Бүгүн, 25-майда Токмок шаарынын мектептеринде акыркы коңгуроо иш-чарасы өттү. Быйыл шаарда 756 окуучу 11-классты аяктап жатат.
Ал эми №1 мектеп-гимназиясында 102 окуучу 11-классты аяктап жатат. Алардын ичинен Никита Михайлов менен Эсентур Асанкуловдун «алтын тамга» артычылык аттестатынын ээси болгон.
№1 мектеп-гимназиясындагы салтанаттуу аземге Токмок шаарынын башчысы Максат Нусувалиев катышты.
Калаа башчысы бүтүрүүчүлөрдү мектепти аякташы менен куттуктап, аларга каалоо-тилектерин айтты.
