Turmush — Тогуз-Торо районунда ийне жалбырактуу дарактардын 30 миң даана көчөтү олтургузулду. Бул тууралуу акимчиликтен билдиришти.
Маалым болгондой, көчөттөр Каргалык айылындагы Ак-Мойнок өзөнүнүн 10 гектар жерине отургузулду.
«Иш-чара «Жашыл мурас» улуттук өнөктүгүнүн алкагында жаратылыш кырсыктарын жана топурактын эрозиясын алдын алуу максатында уюштурулду. Ага райондогу мекеме, ишканаларда эмгектенген кызматкерлер чыгып, өз салымдарын кошушту. Саамалыктын максаты айлана-чөйрөнү көрктөндүрүү, таза жана табияты кооз жайларды жашылдандыруу жана келечек муунга мурас катары калтыруу болуп саналат», - деди район акими Манас Мураталиев.