Turmush — Ысык-Ата районунда «Жылдын мыкты тарбиячысы-2024» сынагы өттү. Бул тууралуу Кант шаарынын мэриясынан билдиришти.
Маалым болгондой, сынактын жыйынтыгында 1-орунду Кант шаарындагы №20 «Улыбка» мектепке чейинки билим берүү уюмунун тарбиячысы Чынара Өскөнбаева багындырды.
2-орунду Ак-Кудук айыл аймагындагы №10 «Лапушка» бала бакчасынын тарбиячысы Наталья Сайданова, 3-орунду Нурманбет айыл аймагындагы «Гүл балалык» бала бакчасынын тарбиячысы Айгүл Баратканова алды.
Кант шаарынын мэри Улан Майлибашев «Үмүт» балдардын патронаттык-адаптациялык борборунда, №32 мектепке чейинки билим берүү мекемесинде болуп, «Жылдын мыкты тарбиячысы-2024» сынагында ийгиликке жетишкен тарбиячыларга ыраазычылык кат жана белектерди тапшырды.
Шаар башчысы өз кезегинде тарбиячылардын эмгегин баалап, сынактарга катышуусун сүрөп, колдоо көрсөткөн бала бакчанын жетекчиси Гүлзат Тагаевага ыраазычылык билдирди. Ошондой эле, мекеменин жалпы эмгек жамаатына ийгилик каалады.
Сынактын жеңүүчүлөрүнө жана катышуучуларына Ысык-Ата райондук мамлекеттик администрациясы тарабынан акчалай сыйлыктар жана райондук билим берүү жана илим кызматкерлеринин профсоюздук комитети тарабынан баалуу белектер тапшырылды.