Turmush — Кубанычбек Асанов Нарын облусунун прокурору болуп дайындалды. Бул тууралуу президенттин Нарын облусундагы ыйгарым укуктуу өкүлүнүн басма сөз кызматы кабарлады.
Маалыматка караганда, жаңы жетекчи Нарын облусунун активине бүгүн, 18-мартта башкы прокурордун орун басары Улукбек Султанов тарабынан тааныштырылып, кызматына киришти.
Нарын облусунун прокурорунун орун басары болуп Азизов Төлөгөн Капарович дайындалса, Нарын шаарынын прокурору болуп Тагаев Уланбек Жээнбекович дайындалып, кызматтарына киришти.
- Нарын облусунун буга чейинки прокурору Алтынбек Аттокур уулу башка кызматка которулду.
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.