Turmush — Чүй облусунун Москва районундагы Нарзан айыл аймагынын Беловодск айылынын борбордук көчөсүндө ийне жалбырактуу бак-дарактар отургузулуп жатат. Бул тууралуу айыл өкмөт башчысы Искендер Өскөмбаев билдирди.
Беловодск айылы райондун борбору болуп саналат.
«Адатта арча, карагай жана башка ийне жалбырактуу бак-дарактар февраль, март айларында отургузулат. Ошондуктан эрте жазда райондун борбордук Ленин көчөсүндө отургузулуп жатат. Ошону менен бирге өткөн жылдарда отургузулган көчөттөрдүн түбү жумшартылып, бутактары иретке келтирилүүдө. Бул иштер «Жашыл мурас» улуттук өнөктүгүнүн алкагында жүргүзүлүүдө», - деди айыл өкмөт башчысы.
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
