Turmush — Чүй облусунун Ысык-Ата районуна караштуу Кант шаарындагы мыйзамсыз курулган имарат сот аркылуу буздурулуп, анын ордуна 11 млн сомго электрондук китепкана курулат. Бул тууралуу аймактык кабарчыга Кант шаарынын мэри Улан Майлибашев билдирди.
Анын айтымында, Кант шаарынын мэриясы шаардагы тартипти орнотууну жана уруксатсыз курулган имараттарды демонтаждоону улантууда. Анын незинде борбордук парктагы мыйзамсыз курулуш бузулду. Анын ордуна типтүү электрондук китепкана курулуп, шаар тургундары жана коноктору үчүн маданий-интеллектуалдык борбор болот.
Долбоордо шахмат бурчу да каралган.
«Долбоорго ылайык, жаштардын коворкинг борбору да курулат. Жигердүү, таланттуу жаштарды колдоо, санариптик жана инновациялык ишмердүүлүктү өнүктүрүү — биздин максаттардын бири», - деди ал.