Turmush — 2024-жылдын жыйынтыгы менен Webometrics дүйнөлүк университеттеринин рейтингин жарыялады.
Анда ректор Жанболот Турсунбаев жетектеген Ош технологиялык университети ТОП-10го кирди жана Борбордук Азиядагы эң алдыңкы 5 университеттин бири аталды.
Webometrics бул — дүйнө жүзүндөгү университеттердин рейтинг системасы. Бул университеттердин онлайн болушуна, алардын көрүнүүсүнө жана тармакка кирүүсүнө негизделген рейтинг системасы. Ошондой эле, рейтинг тутуму университеттин өзүнүн веб-домени, суб-баракчалары, бай файлдары, университетте эмгектенген окумуштуу окутуучулардын илимий макалалары жана ага болгон шилтемелер, жана башка боюнча тармакта канчалык деңгээлде көрсөтүлөрүн өлчөйт.
Бул рейтингди аныктоо иш-чарасы 2004-жылдан бери өткөрүлөт жана ар жылы январь, июль айларында жаңыланып турат. Учурда дүйнө жүзү боюнча 12000ден ашуун университеттердин веб-көрсөткүчтөрүн карап турат.
Рейтингди Мадрид шаарында жайгашкан Испаниянын Улуттук изилдөө кеңешинин изилдөө тобунун киберметрика лабораториясы жарыялайт.