Turmush — Ош технологиялык университетинде профессордук-окутуучулар курамынын жана кызматкерлердин, факультеттер жана структуралык бөлүмдөр ортосунда спартакиада башталды.
Окуу жайдын маалыматы боюнча, мелдеш спорттун 9 түрү боюнча кыз-келиндер жана мырзалар арасында өтүп жатат. Волейбол, стритбол, стол тенниси, тогуз коргоол, ордо, кичи футбол жана шахмат боюнча мелдештерге окуу жайдын бардык факультетинен жана институт, колледжден 10 команда катышууда.
Спорттук иш-чара жыл сайын окуу жайдын жетекчилигинин жана кесиптик бирликтин демөөрчүлүгү астында окутуучулар арасындагы достукту, ынтымактыкты бекемдөө, денисак жашоо образын түзүүгө үндөө максатында уюштурулуп келет.
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
