Turmush — Ош технологиялык университетинин студенттери республикалык сынакта ийгилик жаратты. Бул тууралуу аталган окуу жайдан билдиришти.
Маалыматка караганда, Кыргыз Республикасынын Улуттук банкы тарабынан 16 жаштан 20 жашка чейинки жаштар арасында улуттук валютанын киргизилгендигинин 30 жылдыгына арналган «Сом — Кыргызстандын жүзү» темасындагы мыкты видеоролик, репортаж боюнча республикалык сынак жарыялаган. Сынактын жыйынтыгы чыгарылды.
Аталган сынакка Ош технологиялык университети активдүү катышып, ийгиликке жетти. Жыйынтыгында ОшТУнун гуманитардык-технологиялык колледжинин студенттери 2-орунду ээлеп, диплом жана баалуу сыйлыктар менен сыйланышты.