Turmush — Жайыл районуна караштуу Кара-Балта шаарындагы П.Тольятти көчөсүнүн жолу капиталдык оңдоодон өттү. Бул тууралуу аймактык кабарчыга Кара-Балта шаарынын мэриясынын басма сөз кызматы билдирди.
Жолдун абалы менен шаар мэри Мирлан Жекшенов таанышып, ишти аткарууда сапатка көңүл буруу керектигин белгиледи.
«СУ-4» подряддык уюму тарабынан 11 атайын техника жана 7 жумушчу тартылган.
Ишти баштоонун алдында геодезист адистери каналга суунун бир калыпта агып турушун камсыз кылуу үчүн иш-чараларды жүргүзгөн.
Жасалган жолдун аянты 1600 чарчы метр аянтты түзөт.
«СУ-4» 1956-жылдан тартып иштей баштаган. 1997-жылы акционердик коомго айланган. Жетекчиси: Сухоносов Владимир Григорьевич.