Turmush — Ош технологиялык университетинде ректордун кубогуна арналган спорттук мелдеш жыйынтыкталды.
Мелдеш ОшТУнун 60 жылдык маарекесине карата уюштурулуп, түштүк аймактык жогорку окуу жайлардын профессордук-окутуучулар курамынын арасында өткөрүлүп, алар спорттун волейбол түрү боюнча күч сынашты.
Сыйлык тапшыруу аземинде университеттин окуу иштери боюнча проректору У.Ж.Мамытов катышуучуларга ыраазычылык билдирип, жеңүүчү командаларды куттуктады.
Жыйынтыгында эркектер арасында:
- 1-орун — Кыргыз-Өзбек эл аралык университетинин командасы;
- 2-орун — Ош мамлекеттик университетинин командасы;
- 3-орун — Ош технологиялык университетинин командасы;
- 4-орун —Ош мамлекеттик университетинин 2-командасы.
Аялдар арасында:
- 1-орун — Ош мамлекеттик университетинин командасы;
- 2-орун — Ош технологиялык университетинин командасы;
- 3-орун — Ош мамлекеттик педагогикалык университетинин командасы
- 4-орун — Кыргыз-Өзбек эл аралык университетинин командасы.
Жеңүүчү командалар жана мелдешке активдүү катышкан окутуучулар кубок, диплом, акчалай жана баалуу сыйлыктар менен сыйланышты.