Turmush — Ош облусунун Алай районуна караштуу Гүлчө айыл аймагында ыксыз чыгымдарды азайтуу боюнча иш-чаралар аткарылып жатат.
Айыл өкмөттүн маалыматы боюнча, президенттин 2022-жылдын 24-февралындагы «Кыргыз Республикасында үй-бүлөлүк салтанаттарды жана маркумду эскерүү үрп-адаттарын тартипке келтирүү боюнча чаралар жөнүндө» жарлыгына ылайык, ыксыз чыгымдарды кескин азайтуу жана токтотууда айыл аймакта маркумду акыркы сапарга узатууда жана той-аштарды өткөрүүдө келтирилген чыгымдарга бөгөт коюу боюнча калкка тынымсыз түшүндүрүү иштери жүргүзүлүп жатат. Жарлыкты аткарууда айыл өкмөт менен тыгыз иш алып барган мечиттердин имамдарына айыл өкмөт башчысы Сүйөрбек Исаев ыраазычылык каттарды тапшырды.
Гүлчө айылынын жашоочуларын ыксыз чыгымдарды кескин азайтуу жана токтотууда айыл өкмөттүн кызматкерлерине колдоо көрсөтүп, түшүнүү менен кабыл алууга чакырышты.