Turmush — MEGA компаниясы «Унаа курап ал» суроо-жооп оюнунун төртүнчү турунун жыйынтыгын чыгарды.
Анын жыйынтыгында башкы байгенин — Tesla Model 3 электромобилинин жеңүүчүсү аныкталды.
30-сентябрда экологиялык жактан таза, ультразаманбап электромобилдин ачкычын салтанаттуу түрдө тапшыруу аземи болуп өттү.
Мукам үндүү аткаруучулар Адилет Жумабеков, Салтанат Аширова, Кайрат Примбердиев, Нурбек Савитахунов өз өнөрлөрүн көрсөтүп, келген меймандарга жагымдуу маанай тартуулады.
Ошондой эле салтка айланып калган, бүйүр кызыткан конкурстар өткөрүлүп, жеңүүчүлөргө MEGA тарабынан даярдалган эксклюзивдүү белектер тапшырылды.
Кеченин жагымдуу көз ирмемдери интеллектуалдык оюндун жеңүүчүсүн жарыялоо болду. Бишкектик ардагер Эдил Абдрахманов Tesla Model 3 унаасынын бактылуу ээси болуп табылды.
«Мен суроо-жооп оюнуна кокустан катышып калып, билимимди текшерип көрүүнү чечтим. Андан кийин кызыга баштадым. Ошентип алгачкы жолу 10 миң сом утуп алдым. Бул утушумду толугу менен оюнга катышууга жумшадым. 50 миң сом утуп алгым келди. Натыйжада Tesla унаасынын ээси болуп калдым. Ушундай кызыктуу интеллектуалдык таймаш үчүн MEGA компаниясына ыраазычылык билдирем», - деди төртүнчү этаптын жеңүүчүсү.
Эскерте кетсек, абоненттердин көптөгөн суроолору боюнча MEGA «Унаа курап ал» акциясынын алкагында суроо-жооп оюнун узартуу чечимин кабыл алган.
Катышуучуларды төмөнкүдөй байгелер күтөт:
- ар күн сайын — 10 000 сом;
- ар апта сайын — 100 000 сом;
- СУПЕРБАЙГЕ — 3 000 000 сом.
«Унаа курап ал» суроо-жооп оюнуна катышуу эрежелери менен компаниянын расмий сайтынан таанышууга болот.
Катышып, байге утуп алыңыздар! Канчалык жигердүү катышсаңыздар, жеңүүчү болууга мүмкүнчүлүк ошончолук көп болот.