Turmush — Чүй облусунун Кара-Балта шаарында 27 муниципалдык имарат 140 миң сомго камсыздандырылды. Бул тууралуу аймактык кабарчыга шаардык мэриянын басма сөз кызматы билдирди.
Маалым болгондой, камсыздандырууга мэриянын администрациялык имараты, мектеп, бала бакча имараттары кирген.
Бул иштер Кыргыз Республикасынын өкмөтүнүн 2019-жылдын 7-июнундагы №23-24 «Турак жайды өрттөн жана табигый кырсыктардан милдеттүү камсыздандыруу боюнча мыйзамды ишке ашыруу жөнүндө» протоколдук тапшырмасын аткаруу максатында аткарылган.