Turmush — Жумгал райондук билим берүү бөлүмүнүн башчысы болуп Баялиева Рита Мэлсовна дайындалды. Тийиштүү буйрукка Жумгал райондук мамлекеттик администрациясынын башчысы—аким Адыбек Набиев кол койду.
Жаңы жетекчини эмгек жамаатка район акиминин орун басары Фатима Өмүралиева тааныштырды.
Буга чейин бул кызматта Каныбек Насыбалы уулу иштеп келген. Ага жалпы республикалык тестирлөө боюнча Жумгал районундагы көрсөткүч төмөн болгондуктан катуу сөгүш берилген. Андан кийин ал өз каалоосу менен кызматтан кеткен.
Ал эми Рита Баялиева 2023-жылдын март айынан бери Жумгал айылындагы Мыскал Өмүрканова атындагы орто мектебинде директор болуп эмгектенип келе жаткан.
Макаланын уландысын жана башка бардык маалыматтарды окуу үчүн АКИpress'ке катталыңыз...
Turmush в TikTok — подпишись!