Turmush — Чүй облусунун Ысык-Ата районуна караштуу Өтөгөн айылынын тургуну Максат Расулбек уулу баккан тайгандар алкачкы жолу фестивалга катышып, байгелүү орундарды жеңди. Turmush басылмасынын кабарчысы аны менен маектешти.
Каарманыбыздын айтымында, ал кыргыз тайгандарын баuып баштагандан бери койлоруна жырткыч жаныбарлар кол салбай калды.
«Кыргыз тайганына кызыгып калганымдын себеби көп. Биринчиден кыргыз тайгандары — бул биздин улутка тааныдык иттердин бири. ЮНЕСКОго каттатууга туура келген жаныбар. Бул багытта аракет кылышыбыз керек деген ойдомун. Экинчиден, мал-жандыкты жырткыч жаныбарлардан мыкты коргой билет. Жүрөгү курч, шамдагай, күчтүү жана айбаттуу келет. Негизи мурда тайганым жок кезде талаага мал жайып чыкканда карышкыр, чөөлөр далай кол салып, бирин-эки койлорду жеп кеткен күндөр болду. Кыргыз тайганын багып баштагандан бери жырткыч жаныбарлар малга жолобой калды. Алардын жардамы тийди. Ошондон кийин кыргыз тайганын багууга кызыгып калдым», - деди ал.
Анын учурда бир дөбөт, бир ургаачы тайганы бар. Экөө теӊ сынакта алдыңкы орунду алышты.
«Каймана аттары — Көк куш менен Учар. Тайгандардын атайын жарышына, кароо-сынактарына катышып көргөн эмесмин. Жакын арада эле өткөн «Тайган фест» иш-чарасына биринчи жолу катыштым. Алгачкы жолу катышып жатканыбыз менен тазалык боюнча 1-орунду, тайган жарыштан 2-орунду алдык. Бул мен үчүн абдан сыймыктуу болду.
Негизи кыргыз тайгандарs акыркы маалда жакшы бааланып калды. Сыны жакшы тайгандар 1000 доллардан өйдө бааланса, күчүктөрү 500 доллардан өйдө сатылат», - деди ал.
Максат мырза үй-бүлөлүү, 2 кыз жана 1 уулдун атасы.
Каармандын байланыш номурун алуу үчүн АКИpress'ке катталыңыз...
Turmush в Телеграм-канале подпишись!