Turmush — Кочкор районуна караштуу Теңдик айылынын тургуну Жаныбек Кенжекожоев асыл тукум койлорду багуу менен алек. Анын иши менен аймактык кабарчы таанышты.
Ал мындан эки жыл мурда эт жана май багытындагы койлорду сатып алган. Тактап айтканда, «Арашан» породасындагы 3 баш кой алган.
«Кыргызстандын аймагында аталган койдун саны жаңыдан көбөйүп келе жатат. Бул куйруктуу койлордун өзгөчөлүгү — салмагында жана баасында. Кыргыз койлордой эле жем-чөп жейт. Алты-жети айлык козулардын салмагы 65-70, бир жаштагылары 85-90, чоңдору 175-180 килограммга чейин жетет. Биздин, фермерлердин кирешесин көбөйтүү үчүн чоң мүмкүнчүлүк.
Аталган асыл тукум койлордун көргөзмөсүнө козу-кочкорлорду алып барып турам. Май айынын башында төрт тиштүүлөр арасында «Боцман» аттуу козу 160 кг салмак менен Нарын облусу боюнча чемпион аталып келди. Көргөзмөдөн келгенден кийин үч айлык баглан козуну 100 миң сомго саттым», - дейт Жаныбек Кенжекожоев.
------------------------
Бул порода 1970-2021-жылдары Кыргызстанда чыгарылган. Фермерлер 1977-жылы Тажикстандан гиссар породасындагы кочкорду алып келип, жергиликтүү кылчык жүндүү кой менен аргындаштырышкан. Аргындаштырылгандан кийинки туулган экинчи муундагы козуларын көбөйтүшкөн.
«Арашан» породасындагы койлорду бийик тоолордо жана талааларда багууга ылайыктуу келип, козулары тез чоңоюшат. Көлөмү чоң, куйруктуу келип, 7-8 айлык козуларынын салмагы 48-61 кг, бир жаштагысы 60-78 кг, ал эми чоң койлорунун салмагы 109-177 килограммга чейин жетет. Ошондой эле сөөгү жеңил жана катуу келет. Кочкорлорунун мүйүзү болбойт.
Республика боюнча «Арашан» породасындагы койлордун жалпы саны 5800 баштан ашат. Козуларынын болжолдуу баалары 1000 доллар, ал эми койлору 5000 доллардан жогору.
Макаланын уландысын жана башка бардык маалыматтарды окуу үчүн АКИpress'ке катталыңыз...
Turmush в Телеграм-канале подпишись!