Turmush — Милдеттүү медициналык камсыздандыруу фондунун өкүлдөрү Ош технологиялык университетине келди.
Студенттер менен жолугушууда аталган фонддун өкүлдөрү Кыргыз Республикасынын ар бир жараны милдеттүү медициналык камсыздандыруудан өтүшү керек экенин айтышты. Жолугушууга университеттин ректору Жанболот Турсунбаев баштаган бардык факультеттердин декандары, кафедра башчылары жана студенттер катышты.
«Мында милдеттүү медициналык камсыздандыруу тууралуу маалымат берилип, анын адамдар арасында, коомго, өлкөгө тийгизген таасири жана пайдасы жөнүндө айтылды. Студенттер тарабынан буга тиешелүү болгон суроолор берилип, жооптор алынды», - деп айтылат маалыматта.
Милдеттүү медициналык камсыздандыруу — бул КР саламаттыкты сактоо тармагындагы жарандардын укуктарын камсыз кылууга багытталган социалдык коргоонун мамлекеттик түрү.