Turmush — Аскарбек Рустамов Ош облусунун Кара-Суу районуна караштуу Төлөйкөн айыл өкмөтүнүн башчысы болуп дайындалды. Бул маалыматты райондук администрациядан тастыкташты.
Аскарбек Рустамов 1977-жылы 15-сентябрда Кара-Суунун Эркин айылында туулган. Ал буга чейин күзөт бөлүмүндө адис, бир катар компаниялардын жетекчиси, айыл кеңештин депутаты, салык инспектору жана башка кызматтарда иштеген.
----------------------------------------
Буга чейин Төлөйкөн айыл өкмөтүн Султанбек Жунусов жетектеп келген. Бул кызматка 2022-жылы 18-мартта дайындалган. Ал 2023-жылдын 17-мартында өз арызы менен жумуштан кетти.
2023-жылы 3-апрелде президенттин Ош облусундагы ыйгарым укуктуу өкүлү Зиядин Жамалдинов менен Төлөйкөн айыл өкмөтүнүн мурдагы башчысы Султанбек Жунусовдун жер тууралуу сүйлөшкөн аудио жазуу социалдык тармактарга жарыяланган.
Аудиожазууда облус башчы менен айыл өкмөт башчы жерди документтештирүү боюнча талашып-тартышкан.
Президенттин Ош облусундагы ыйгарым укуктуу өкүлүнүн басма сөз катчысы аудио жазууда эч кандай мажбурлоо же коркутуу болбогонун, атайын кыркылып, монтаждалганын билдирген.
«Бул аудио жазуу атайын уюштурулуп, керектүү жери гана кыркылып, монтаж жасалган. Маселе башкача болгон. Төлөйкөн айыл өкмөтүндөгү 5 гектар жер айыл өкмөткө карабайт, жеке менчикте турган жер экен. Бул жер боюнча ээлери кайрылып, өнөр жай багытынан калктуу конуш багытына өзгөртүп берүүнү суранышкан. Төлөйкөн шаарга жакын болгондуктан чекке муктаждык бар. Калктуу конуш багытына өткөрүп, элге берүү максаты болгон», - деп айтылган маалыматта.
Төлөйкөн айыл өкмөтүнүн мурдагы башчысы Султанбек Жунусов аудиону өзү жаздырбаганын, атайын аппарат менен жазылганын айткан. Анын айтымында, ал сүйлөшүүгө 4-5 ай болду.
Макаланын уландысын жана башка бардык маалыматтарды окуу үчүн АКИpress'ке катталыңыз...
Новости на кыргызском языке в сети Х — подпишись!