Turmush — Ысык-Көл облусунун Тоң районунуа караштуу Күн-Чыгыш айыл өкмөтүнө биргелешкен иш-аракеттердин негизинде, жаӊы грейдер жана таштанды чыгаруучу атайын техника алынды.
Айыл аймакта ички жолдорду өз учурунда оңдоп-түзөөдөн өткөрүү, айылдын жол инфраструктурасын жакшыртуу, талаптагыдай кармап туруу максатында 2022-жылы Күн-Чыгыш айыл өкмөтү менен Күн-Чыгыш айылдык кеңешинин биргелешкен иш-аракетинин негизинде, жергиликтүү бюджеттен 5 600,0 миӊ сом, демөөрчү фондунан 2 400,0 миӊ сом, жалпы 8 000,0 миӊ сом акча каржаты бөлүнүп, айыл аймакка жаӊы грейдер алуу үчүн сынакка жарыя берилген.
Тендерден «Тоӊ Манжылы Сервис» жоопкерчилиги чектелген уюму жеӊүүчү деп табылып, алар тарабынан грейдер өз мөөнөтүндө алып келинди.
Мындан сырткары, айлана-чөйрөнүн тазалыгын камсыз кылуу, таштандыларды өз учурунда чыгаруу максатында 2022-жылы Күн-Чыгыш айыл өкмөтү менен Күн-Чыгыш айылдык кеңешинин биргелешкен иш-аракетинин негизинде Кыргыз Республикасынын жаратылышты коргоо жана токой тармагын өнүктүрүү фондуна долбоор жазылып, 4464,2 миң сомго айыл өкмөткө таштанды чыгаруучу атайын техника алынып, Бишкек шаарындагы борбордук аянтта Кыргыз Республикасынын Министрлер Кабинети тарабынан салтанаттуу түрдө тапшырылган.
Техника «Күн-Чыгыш тазалык» муниципалдык ишканасынын пайдалануусуна берилип, учурда элге кызмат көрстөтүүдө. Техниканы алууда жергиликтүү бюджеттин эсебинен 1 400,0 миң сом акча каражаты өздүк салым катары берилип, 3 064,2 миң сом жаратылышты коргоо фондунан бөлүнүп берилген.