Turmush — Баткен облусунун Кызыл-Кыя шаарынын борбордук аянтында 21-март — Нооруз майрамы белгиленди.
Бул күнү аксакалдардын ак батасы менен кайнатылган сүмөлөк ачылып, келген конокторго тартууланды. Иш-чарага Кызыл-Кыя шаарынын мэри Асылбек Маткалыков жана Кызыл-Кыя шаардык кеңешинин төрагасы Ж.Калматов катышып, майрамга келген тургундарга жана конокторго каалоо-тилектерин айтып, келген конокторду Нооруз майрамы менен куттуктап өтүштү.
Бул иш-чарага Кызыл-Кыя шаарынын мекеме-ишканаларынын эмгек жамааттары, окуу жайлардын студенттери жана ардактуу ардагерлер, баатыр энелер күбө болду. Окуу жайлар жана мекеме-ишканалар тарабынан боз үйлөр тигилип, улуттук тамак-аштар тартууланды. Майрамдык иш-чарага келген конокторго Кызыл-Кыя шаардык маданият бөлүмү тарабынан уюуштурулган театрлаштырылган чакан концерттик программа тартууланды.