Видео — Сокулуктун жаңы дайындалган акими Илияз Ташкулов эмгек жамаатка тааныштырылды (өмүр баяны)

Turmush — Сокулук райондук мамлекеттик администрациясынын башчылыгына дайындалган Илияз Ташкулов эмгек жамаатка тааныштырылды. Бул тууралуу аймактык кабарчы билдирди.

Маалыматка караганда, иш-чарага президенттин Чүй облусундагы ыйгарым укуктуу өкүлүнүн биринчи орун басары Самат Исманов, уюштуруу-инспектордук иштер жана жергиликтүү өз алдынча башкаруу бөлүмүнүн инспектору Шалообек Козубаев, Сокулук райондук мамлекеттик администрациясынын мурунку башчысы Курбанбек Айтибаев, мекеме-ишканалардын жана айыл өкмөттөрдүн башчылары катышты.

• Сокулук району — Чүй облусунун калкы эң жыш жайгашкан аймак. Калкынын саны 197 миң 335 адамды түзөт (2022-жылдын башына карата маалыматтар).

Илияз Ташкулов мурда Ош облусундагы Алай районун жетектеген.

Ташкулов Илияз Акжигитович 1979-жылы 27-майда Ош облусунун Алай районуна караштуу Корул айылында туулган.

Билими:

- 2001-жылы Б.Сыдыков атындагы кыргыз-өзбек эл аралык университетинен экономист-финансист адистигине ээ болгон;

- 2005-жылы Кыргыз Республикасынын президентинин алдындагы мамлекеттик башкаруу академиясынын менеджмент багыты боюнча магистратура бөлүмүн бүтүргөн;

- 2021-жылы Ош технологиялык университетинин архитектура жана курулуш факультетин аяктаган;