Turmush — Ош технологиялык университетинин жалпы жамааты бир күндүк айлык акысын Түркиядагы жер титирөөдөн жабыр тарткан элге жардам катары которду. Бул тууралуу окуу жайдан билдиришти.
Окуу жайдагы факультеттердин декандары, түзүмдүк бөлүмдөрдүн жетекчилери чогулуп, жалпы административдик кеңеште бир күндүк айлык акыны которуп берүү чечимин кабыл алышты.
-------------------------------------------------
6-февралда таңга маал болгон жер титирөөнүн очогу Түркиянын Газиантеп аймагы болуп, күчү 7,4 баллга жеткен. Күндүз дагы жер титирөө Түркиянын борбордук бөлүгүндө кайталанып, анын күчү 7,7 балл болгон. 7-февралда эртең менен Түркиянын борбор бөлүгүндө очогундагы күчү 5,3 баллга жеткен жер титирөө катталды.
8-февралда Түркиянын борбордук бөлүгүндө очогундагы күчү 4,6 баллга жеткен жер титирөө катталды. Жер титирөө жергиликтүү убакыт боюнча саат 5:52де (Бишкектин убактысы боюнча 8:52) Кахраманмараш аймагынан түндүк-батышка 58 км чакырымда болгон.
Жер титирөөнүн кесепетинен миңдеген адамдар көз жумду.