Turmush — Баткен облустук сотунун соттук коллегиясы Жазык кодексинин (эски ред.) 3 беренеси менен айыпталган эки жигиттин жеке апелляциялык даттануусун карап чыкты.
Баткен районунун тургундарынын бири зордуктоо, турак жайга кол тийбестикти бузуу жана тоноо, экинчиси турак жайга кол тийбестикти бузуу, тоноо жана кылмышка көмөктөшүү боюнча айыпталууда.
Тергөө органдарынын маалыматына караганда, 2021-жылдын 3-июнунда болжол менен саат 21:30 чамасында Али менен Алинур (ысымы өзгөртүлдү) таанышы — Баткен шаарынын тургуну Масылкандын (аты өзгөртүлдү) үйүнө барышкан. Жабырлануучу сыртка чыгып, алар менен чогуу 15 мүнөттөй отурган. Али менен Алинур ага арак ичүүнү сунушташкан. Бирок Масылкан ичпей, үйүнө кирип кеткен. Андан кийин Али ала келген 1 бөтөлкө арактын жарымынан көбүн ичип, Масылкан менен жыныстык катнашта болууну көздөп баштаган. Бул максатын ишке ашыруу үчүн Алинур экөө кийип жүргөн футболкаларын беттерине ороп, Масылкандын үйүнө киришкен. Алар дарбаза бек болгондуктан, дубалдан секирип түшүшкөн.
Андан кийин Али Масылкандын балдары менен жаткан бөлмөсүнө кирип барган. Жабырлануучуну бөлмөдөн чыгарган учурда Масылкан кыйкырып жиберген. Али аны муунтуп, оозун жаап, чачынан тартып тынчтандырган. Андан соң Алинур менен чогуу Масылканды башка бөлмөгө көтөрүп киргизип, ашкана бычагын жабырлануучунун мойнуна жана көкүрөгүнө такап коркуткан. Андан ары Масылкандын кийимдерин чечип, аны менен 3 ыкмада жыныстык катнашта болуп, кумарын кандырган.
Али бул кылмыш-жаза жоопкерчилигинен кутулуу үчүн жабырлануучу Масылканга каршы компромат даярдоону чечкен. Бул үчүн Алинурдун телефону менен видеого тарттырып алган.
Баткен райондук соту бул ишти соттук териштирүүгө тоскоолдук кылган кемчиликтерди жоюу үчүн кайра тергөөгө жөнөтүү боюнча токтом кабыл алган.
Бирок айыпталуучулар бул токтомго нааразы болуп, Баткен облустук сотуна кайрылышкан. Алар жеке апелляциялык даттануусунда Баткен райондук сотунун токтомун бузуп, прокурордун кылмыш ишин кайра тергөөгө өткөрүп берүү боюнча өтүнүчүн канааттандыруусуз калтырууну суранышкан.
Сот отуруму жабык өтүп, алардын жеке апелляциялык даттануусу канааттандыруусуз калтырылды.
Макаланын уландысын жана башка бардык маалыматтарды окуу үчүн АКИpress'ке катталыңыз...
Turmush в WhatsApp-канале — подпишись!