Turmush — Манас районунун Сары-Булак айылынын 38 жаштагы тургуну Аскат Добуталиев 4 жылдан бери бодо мал семиртип сатуу менен алек болуп келет. Аймактык кабарчы аны менен таанышты.
Анын айтымында, бул ишти 4 жыл мурда баштаган.
«Айылыбыз жайытка ылайыктуу жер болгондуктан айылдын көпчүлүк тургундары мал менен оокат кылышат. Айрым жашоочулар өздөрү үчүн багышса, кээ бирлер мал менен ишкерлик кылышат. Ошондой эле дыйканчылык менен да алектенишет. Бизде көпчүлүгүбүз чөп менен дыйканчылык кылабыз. Айтор, баарыбыз эле кыбырамай. Мен дагы элден калбай мал кармайм. Башында мал сатып алып, семиртип, кайра сатчумун. Мындан 4 жыл мурун азыркы ишимди баштагам. Мындайча айтканда малды семиртип, этин сатам. Кыш аяктап, жаз келер замат 10 баштан 20 башка чейин мал сатып алып, аны тоого кетирем. Ар бирин 42-43 миң сомдон сатып алам. Жайы менен тоодо болуп, күзгө маал келишет. Ар бири ар кандай болуп келет. Арасында семирип келгендери дагы болот. Аларды дароо эле мал базарга алып барып сатам. 60 миң сомдон 85 миң сомго чейинки баада сатам. Кайра ордуна башкасын алып келип кошом дагы, 1,5 ай убакыт байлап багам. Буудай менен багылат. Бир жарым айда байлаган мал семирет. Сатканын сатып, калганын союп, этин сатам», - деди ал.
Ишкердин кирешеси, мал семиртүүгө кеткен жем-чөп боюнча маалыматты биздин сайтка катталуу менен окуй аласыз.