Turmush — Beeline 2022-жыл ичиндеги компаниянын эң маанилүү долбоорлору менен бөлүштү.
Өткөн жыл оор болду, бирок эң оор мезгилде да боорукердик, өз ара жардамдашуу жана жаркын келечекке умтулуу сыяктуу баалуулуктар алдыга чыгат. Beeline Кыргызстан өзүнүн социалдык жоопкерчиликтүү компания статусун ырастап, өлкөнүн жана Кыргызстандын элинин жашоосун оң жакка өзгөртө ала турган демилгелерге өзгөчө көңүл бурууга аракет кылды. Компания социалдык долбоорлор кандайча ишке ашканы тууралуу видео даярдады.
2022-жылы мобилдик оператор 7 маанилүү социалдык долбоорлорду жана иш- чараларды ишке ашырган. Алардын арасында ар кандай курактагы бишкектиктер үчүн акысыз коворкинг борбору бар. Beeline аны 16-июнда Алыкул Осмонов атындагы №9 китепкананын базасында ачты. Компания имаратты капиталдык ремонттон өткөрүп, борборду бардык керектүү жабдыктар, жаңы компьютерлер жана эмеректер менен жабдып, Билим берүү демилгелери фонду менен биргеликте бир катар акысыз иш- чараларды жана билим берүү курстарын уюштурган. Бул Beeline компаниясынын үчүнчү коворкинг аянты: дагы экөө Бишкекте жана Жалал-Абадда иштейт. Демилге негизинен Кыргызстанда жаштарды колдоого жана инновацияны өнүктүрүүгө багытталган.
Beeline компаниясынын дагы бир маанилүү социалдык жана билим берүү долбоору — жаш кыргызстандыктар үчүн акысыз IT курстары. Өлкөнүн ар кайсы аймактарынан келген 60 катышуучу IT-нин үч негизги багыттары боюнча акысыз окуудан өтүштү: UX/UI дизайн, Front-end жана Back-end. 2022-жылдын жай айларында бул багыттардын бүтүрүүчүлөрү Beeline коворкинг борборунда долбоорлорун коргошкон. Мыкты окуучуларга, анын ичинде Ош облусунан келген мүмкүнчүлүгү чектелген катышуучуга компания тарабынан ноутбуктар белекке берилди. Күзүндө долбоордун экинчи агымы башталып, ага 3000ден ашык арыз түшкөн. Тандоонун жыйынтыгы менен азыркы учурда өлкөнүн ар кайсы аймактарынан келген 60 кыргызстандык IT тармагындагы эң көп талап кылынган кесиптер боюнча бекер окуу мүмкүнчүлүгүнө ээ болду. Келечекте бул жаштардын Кыргызстандын алдыңкы адиси болууга толук мүмкүнчүлүгү бар.
Өсүп келе жаткан муун менен иштөө өлкөнүн социалдык өнүгүүсүнүн негизги багыттарынын бири болуп саналат. Beeline 6 жылдан бери өлкөнүн бардык аймактарынан келген 1000ден ашык таланттуу студенттерди бириктирген Enactus студенттик уюмуна колдоо көрсөтүп келет. Жыл сайын ЖОЖдун студенттери актуалдуу көйгөйлөрдү чечүүгө багытталган 90дон ашык социалдык жана ишкердик долбоорлорду ишке ашырышат.
2022-жылдын башынан бери Beeline Кыргызстан CURLTAI жана ILGERI деп аталган ата мекендик долбоорлоруна колдоо көрсөтүп, кыргыз маданиятын, искусствосун жана музыкасын жайылтууга салым кошкон. Мобилдик оператор аянтча уюштуруп, анда конок жылдыздар жана өнөрпоздор өнөрлөрүн тартуулашты. Шаардыктар заманбап искусстводон ырахаттануу мүмкүнчүлүгүнө ээ болуп, жаш таланттар өздөрүнүн ийгилигине жакындай алышты. Ошентип, артист Jax 02.14түн «Ким билет?» аталган ыры кыска убакыттын ичинде чоң аудиторияны камтып, социалдык тармактарда тарап кетти.
Жазында Beeline Бишкекте мектеп окуучуларынын түнкү убакытта жолдо жүрүүдөгү коопсуздугун камсыздоо боюнча иш-чара уюштурган. Иш-чаранын максаты — балдарды коргоо жана жарандардын көңүлүн балдардын жол-транспорттук жаракат алуу көйгөйүнө буруу. Мектеп окуучуларына караңгыда даана көрүнүп турган жарык чагылдыруучу брелоктор таратылды.
Эл аралык балдарды коргоо күнү да компаниянын иш-чаралар календарында өзгөчө орунду ээледи. 1-июнда Beeline тарабынан Бишкек, Ош, Баткен жана Жалал-Абад шаарларында концерттик программа, оюндар, сынактар жана байгелер менен балдар үчүн майрамдар уюштурулду. Майрамдын аягында бардык балдар балмуздак менен сыйланды.
2022-жылдын күзүндө болгон Баткен окуясы бүтүндөй өлкө үчүн оор сыноо болду. Мамлекет, бизнес жана жарандык коом мекендештерге абдан керектүү колдоо көрсөтүү аракетинде чогулду. Beeline өз кезегинде 90 миллион сомдон ашык суммага бекер байланыш жана гуманитардык жардам көрсөттү. Ошондой эле Жаңы жыл алдында чек арага жакын айылдарга Аяз ата келип, балдарга компаниянын атынан белектерди тапшырды.
«Байланышты жашоонун бир бөлүгүнө айландыруу менен биз маалыматка, баарлашууга жол ачабыз жана кыргызстандыктарга өлкөнүн жана коомдун өнүгүүсү үчүн чексиз мүмкүнчүлүктөрдү беребиз.
Биз Кыргызстандын келечегине өз салымыбызды кошууга тынымсыз аракет кылып жатабыз жана бул иш эмитен эле өз жемишин берип жатканына ишенебиз. Кыргызстан таланттарга абдан бай, амбициялуу жаш муун өсүп келе жатат, алар тийиштүү колдоо менен чоң ийгиликтерге жетише алат. Албетте, кирип келген жылы компания өлкөнүн бардык тургундарынын жыргалчылыгы үчүн социалдык, маданий-агартуу долбоорлорун ишке ашырууну улантат» - деди Beeline компаниясынын башкы директору Андрей Пятахин.
Cизге камкордук менен, Beeline!