Бөлүмдөр
Шейшемби, 22-октябрь
Баткен облусу, Кызыл-Кыя 20.02.2014 11:47

Кызыл-Кыяда мыкты студент мырзалар аныкталат

Turmush -  Бүгүн, 20-февраль күнү Баткен облусунун Кызыл-Кыя шаарында ОшМУнун 75 жылдыгына карата «Ош МУ мырзазы - 2014» сынагы өткөрүлөт. Бул туурасында окуу жайдын басма сөз кызматы билдирди.

Иш-чарага ОшМУ жөнүндөгү фильмдер, роликтер көрсөтүлүп, ошондой эле «Нур» гезитинин атайын чыгарылышы менен биргеликте университет жөнүндөгү маалыматтар берилет. Иш-чараны өткөрүү үчүн Кызыл-Кыя шаарына 40 тан ашуун студент жана кызматкерлер жөнөп кетти. Өткөрүлүүчү сынак Кызыл-Кыянынын маданият үйүндө мектеп окуучуларына тартууланмакчы.

«Сынакта факультеттерден, колледждерден тандалып алынган 11 студент чыныгы мырзалык сапаттарын, болочок абитуриенттердин сынынан өтөт» - дейт сынактын уюштуруучусу, ОшМУнун жаштар комитетинин төрагасы Канатбек Абылкасым уулу.

Сынактын жыйынтыктоочу бөлүгү 22-февраль күнү Ош шаарындагы Ош улуттук драма театрында өткөрүлөт.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×