Turmush — Чүй облусунда райондук мааниде алты шаар жана облустук мааниде бир шаар бар. Аймактык кабарчы мэриялардын жайгашкан имараттары тууралуу маалымат топтоду.
Имараттардын ичинен эң эски Орловка шаарынын мэриясынын имараты. Ал 1949-жылы курулган. Убагында комбинаттын администрациясы болгон. 1995-жылы имарат өкмөткө өтүп, анда Орловка айыл өкмөтү жайгашкан.
Имараттын дубалы кирпич жана кадимки таштардан тургузулган. Шаар башчысы Бактыбек Чанчаровдун айтымында, имарат бышык курулган. Азыркы күнгө чейин бир жеринен жарака кеткен эмес. Иш бөлмөлөр жылуу, иштегенге ыӊгайлуу болгондуктан жаӊы имарат салуу планда жок.
Калкынын саны — 6175. 2022-жылга карата бюджети — 107 млн сом. Шаар башчысы — Чанчаров Бактыбек Асаналиевич.
Кара-Балта шаарынын мэриясынын имараты 1970-жылы курулган. Жалпы аянты 880,1 чарчы метр. 1970-жылы «Кара-Балта тоо-кен комбинатынын» административдик имараты катары колдонулган. 1975-жылы 9-сентябрда Кара-Балта шаар макамын алган. 2007-жылы 19-февралда Кара-Балта шаарынын башкармалыгынын №28 буйругунун негизинде «Кара-Балта тоо-кен комбинатына» караштуу имарат муниципалдык менчикке алынган. 2011-жылы Кара-Балта шаарынын башкармалыгы Кара-Балта шаарынын мэриясы болуп өзгөртүлгөн.
Калкынын саны — 48744. 2022-жылга карата бюджети — 238 млн 775 миң 700 сом. Шаар башчысы — Жекшенов Мирлан Ратынбекович.
Калганын Turmush басылмасына катталуу менен окуй аласыз.
