Turmush — Токторов Махмуд Мансурович Кадамжай районунун Үч-Коргон айыл аймагынын башчысы болуп дайындалды. Бул тууралуу Turmush басылмасынын аймактык кабарчысы билдирди.
Маалым болгондой, 62 жаштагы Махмуд Токторов Кадамжай районунун Кескен-Таш айылында төрөлгөн. Кесиби боюнча экономист-менеджер. Ал 2005-жылдан 2021-жылдын июнь айына чейин Кадамжай районунун Көтөрмө айыл өкмөтүнүн башчысы болуп иштеген.
- Үч-Коргон айыл аймагы Баткен облусундагы калкы эң көп айыл аймак болуп саналат. Улуттук статискалык комитеттин маалыматына караганда, Үч-Коргон айыл аймагынын 12 калктуу конушунда — Үч-Коргон, Валакиш, Какыр, Калача, Калтак, Сулайман-Абад, Разъезд, Сухана, Чаувай, Боз, Камбар-Абад, Тажик-Кыштак айылдарында 37 миң 11 адам жашайт. Айыл аймакта кокон гилас өстүрүлүп, миллиондогон акчаларга Россия жана Казакстанга чейин эскпорттолот.
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.