Turmush — Билим берүү тармагындагы белгилүү серепчи, кеңешчи, лектор Кеңешбек Сайназаров Ош мамлекеттик педагогикалык университетинде студенттерге лекция окуду.
Окуу жайдын басма сөз кызматынын маалыматы боюнча, лектор көп тармактуу адис болгондуктан иш-чара аралаш форматта жүрүп, көбүнесе суроо-жооп аркылуу тема бышыкталып, маалыматтар такталды. Эң башкысы Google тиркемеси аркылуу туура маалымат издеп-табуунун жолдору боюнча кенен түшүнүктөр берилди.
«Балдардын креативдүү ой жүгүртүүсү жана жаңы, заман талабына шайкеш келген кадр катары даярдалуусу, инновациялык коомдогу активдүү жаранга айлануусу тууралуу пикирлер айтылды.
Белгилей кетсек, Кеңешбек Сайназаров "Жалпы кызыкчылыктарды издөө" тынчтык куруу уюмунун Азия региону боюнча кеңешчиси жана Өзбекстан кеңсесинин мүдүрү. Ал ОшМПУда салтка айланган конок лекциянын катышуучусу болуп, өзүнүн билимин жана тажрыйбаларын студенттер менен бөлүштү», - деп айтылат маалыматта.