Turmush — Ош технологиялык университетинин жаштар комитетинин жалпы мүчөсү студенттер менен жолугушуу өткөрдү. Бул тууралуу окуу жайдын басма сөз кызматы билдирди.
Жолугушуунун негизги максаты студенттерге окуу жайдын активдүү жашоосуна багыт берүү болуп саналат. Иш-чара «Креативдүү жаштар менен жолугуу» деп аталып, университеттин жаштар комитетинин төрагасы — президенттик стипендиянын ээси Мамасалы уулу Нурмухамед «Канткенде ийгилик жарата алам?» деген темада өз ийгиликтери менен бөлүштү.
Мындан сырткары иш-чаранын жүрүшүндө жаштар комитетинин жалпы мүчөлөрү тааныштырылып, жаңы лидерди «ОшТУ» тобуна тандап алуу жарыяланды. Аны менен катар ыр, бийлер жаңырып, интелектуалдык оюн уюштурулуп, жеңүүчүлөр аныкталды.
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
