Turmush — Ат-Башы районунун Ак-Жар айылында фермер-дыйкандарга жер иштетүү боюнча кеңештер берилди. Бул тууралуу аймактык кабарчы билдирди.
Иш-чарага Э.Гареев атындагы Ботаникалык бактын илимий кызматкери Нурлан Албанов, Кыргыз-түрк «Манас» университетинин илимий кызматкери Таир Эсеналы уулу жана Сатыбалды Нааматов атындагы Нарын мамлекеттик университетинин айыл чарба технология дисциплинасы кафедрасынын жетекчиси Адилет Мамырбаев катышты.
Иш-чарада өсүмдүктөрдүн сорттору, аларды өстүрүү эрежелери, ар кандай оорулардан жана зыянкечтерден сактоо жолдору айтылды.