Turmush — Президенттин Нарын облусундагы ыйгарым укуктуу өкүлү болуп дайындалган Алтынбек Эргешов жамаатка тааныштырылды. Бул тууралуу аймактык кабарчы билдирди.
Маалыматка караганда, жыйын кечээ, 4-июнда Нарын облустук администрациясында өтүп, ага Министрлер кабинетинин төрагасы Акылбек Жапаров, мурдагы дубан башчысы Сабыркул Ашимбаев, облустук, шаардык мекеме-ишкана өкүлдөрү катышты.
Эргешов Алтынбек Калдарович 1972-жылы 29-мартта Ош облусунун Өзгөн шаарында туулган.
1998-жылы Кыргыз мамлекеттик улуттук университетин бухгалтердик эсеп жана аудит адистиги боюнча аяктаган.
2009-жылы Кыргыз Республикасынын президентине караштуу башкаруу академиясында мамлекеттик башкаруу адистиги боюнча бүтүргөн. Мамлекеттик жарандык кызматтын 2-класстагы мамлекеттик кеңешчиси.